Hangyo Sa Mga Kabayo ug Alibang-bang

Gikataw-an mo kadtong mga kabayo
nga nagdagan-dagan sa akong dughan

Gikataw-an mo kadtong mga alibang-bang
nga naglupad-lupad sa akong tiyan

Gitamay mo kadtong kahadlok
nga mituok sa akong tutonlan

Dalagang Pilipinhon

Mga mata mo maoy naghatag
mga bulak, sa akong kitara,
ug sa kasingkasing ko awit sa gugma;
ug kong ang mga mata mong maluming
pagataoban man ugaling sa mga luha
ako intawon Inday sa Birhen manimasin
nga didto dili unta mangatundag
ang akong paglaom ug akong himaya.